Ørsta kino arrangerar dagkino inkludert servering av kake og kaffi/te fleire gongar i månaden. Filmane vi viser er kvalitetsfilmar i ulike sjangrar, som passar for eit vakse publikum. Som regel er dagkinoen på måndagar kl. 13:30, men av og til må vi bruke andre vekedagar og klokkeslett dersom salen er oppteken til anna eller vi må vente på ei filmpremiere. Programmet vert annonsert i Møre Nytt, i tillegg til at du alltid finn oppdatert programinfo her på nettsida.
Kakene vert baka av elevane på Restaurant- og matfaglina på Ørsta vidaregåande skule.
Hjarteleg velkomne til Ørsta kino!