Margot har vore med å byggje landet og har betalt skatt i eit heilt liv.
No skal ho endeleg få hauste goda og nyte sitt «opium».
Margot banar seg veg gjennom Helse-Norge med livsmot og beinskjørheit.
Vi rykkjer alle stadig framover i køen!
Eller gjer vi det?
Bli med Margot og møt aktørane i AS Helse-Norge
Ina Breivik og Simon Andersen åpnar dosetten, og
du treng ikkje å ta med lystgass - vi bjuder!

Om oss:
INA BREIVIK starta si komikar/skodespelarkarriere som S i SMXL. Ho har delt scene med
mange av landet sine mest anerkjende komikarar og har blitt nominert til komiprisen heile seks
gongar, både for beste framsyning og beste kvinnelege artist. Sist i 2016 med framsyninga
«Margot, alt i boks». Ina sa opp jobben sin som sjukepleiar i 2000 for å satse for fullt på
artistkarriera. Då Coronaviruset gjorde sitt inntog i 2020, skjønte ho at det var bruk for
ho i helsevesenet - som sjukepleiar. Ina lar sitt alter ego Margot snakke
for seg når status på Helsenorge anno 2022 skal gjerast opp.
SIMON ANDERSEN debuterte på scena i 1988 som Rolf i "The sound of Music". Etter
teaterutdanning på Hordaland Teater og Riksteateret sin elevskule har han spelt på ei rekkje
scener rundt i landet. Mest kjend er han som Roy i "Familiesagaen de syv søstre" på TV 2.
Han er også offisielt godkjend Wenche Foss-imitator (godkjend av originalen sjølv). Han har drive
eige teater og sett opp/skrive og spelt i utallige revyar og cabaretar. Når han ikkje står på
scena er han ofte å finne i dubbestudio, eller på eit helsehus nær deg.