Wilhelm Peterson Berger laga på slutten av 1800-talet 8 songar for kor med ulike tekstforfattarar (m. a. Bj. Bjørnson).
Av desse syng koret her "Stämning", "Ved havet" og "På Fjeldesti".
I denne svenske avdelinga syng koret også Evert Taube sin klassikar: "Så skimrande var aldrig havet". 

Jostein Skare, mangeårig medlem av koret, sette tone til Arne Espeland sin tekst ""Veit du kor rik du er".
Denne syng koret i eit arrangement av Terje Aarset. Dette blir såleis det norske innslaget, attåt folketonen "Jeg lagde meg så sildig". 

Island er representert med "Smávinir fagrir".
Dansk må ein vente til pinsa med å få høyre. 

Ørsta Mannskor.

Ørsta Mannskor hadde nyleg premiere på forestillinga "Jakob Sande frå Sunnfjord til Rio og attende".
Ein fullsett teatersal fekk nyte ord, tonar og billete i 90 minutt utan opphald.
Vi har registrert at monge vart skuffa og ikkje fekk billett til forestillinga og dei får hermed ein ny sjanse når
mannskoret serverer smakebitar frå forestillinga på korkafeen.

Bondeguten Jakob Sande var frå Dale i Sunnfjord, fødd i 1906, og utmerka seg tidleg som eit «flogvit» med mange talent.

Bakgrunnen hans i eit miljø med store sosiale skilnader og kontrastar vart ein innhaldsrik basis for hans dikting og litterære liv. 
Dei radikale miljøa i lokalsamfunnet, oppveksten i ein kulturglad open heim, forteljartradisjonane som både var i familien og hos fastboande taterar,
laga eit rikt tilfang av idéar til den observerande Jakob.

Naturen og naturbileta i skildringane hans vert ofte brukt som metafor for kva som skjer gjennom mennesket si livsreise.

Kaffe og mat på billetten.

Loddsal med fine gevinstar.

Dette vert kjekt!