Moteframsyning

Motevising med Ørstakoret

Like visst som hausten er Ørstakoret si motevising. Den 24. oktober er kvinner og menn, i alle aldrar velkomne til kulturhuset for å sjå haustens motar og kanskje til og med juleantrekket.

Jarle Johnsen frå 2. bassen losar oss gjennom sesongens nye fargar og trendar i kolleksjonane frå dei faste butikkane i Ørsta og Volda. Damene i koret stiller som modellar, men koret har tradisjon for også å vise herremote, så det må gjerne kome fleire karar for å sjå kva bass og tenor kan demonstrere av tidsrette mannfolk-antrekk.

Dirigent Ketil Grøtting leiar koret i ei lita koravdeling, og spelar piano til sjølve motevisinga.

Kake- og smørbrødbordet vil halde vanleg standard, og det vert loddsal med trekking av gåvekort og andre flotte gevinstar!

Billettar får de kjøpt på nettet og i kiosken på Ørsta kulturhus. Dørene vert opna kl. 18.30.

Velkomne til ei triveleg kveldsstund rundt borda på kulturhuset onsdag 24. oktober kl. 19.00.

Billettar til Moteframsyning

  1. Ons 24. okt kl 19:00 150 kr   Festsal Les meir Kjøp
Vis hele programmet
_
_
_